GLAN, Sarangani (Hulyo 25, 2014)- Sa pagsaulog sa bulan sa Ramadan sa mga kaigsoonang Muslim sa Probinsya sa Sarangani, gimugna sa provincial government nga gipanguluhan ni Governor Steve Chiongbian Solon ang Iftar o pabuka sa matag munisipyo. Ang pabuka o breaking of the fast matag alas 6 sa gabii ang malipayon kining ginaselebrar sa mga kaigsoonang Muslim diin salu-salo sila nga ginasaw-an ang panihapon. Nakapahigayon nag pabuka sa munisipyo sa Maitum, Alabel, Malapatan og Glan, ang ubang munisipyo sa sunod nga mga adlaw. Nalipay og dako ang pasasalamat sa katawhan kay gihatagan sila og importansya og pagtagad sa gobernador, pinaagi sa Sulong Sarangani program ni Governor Solon, kauban sila Congressman Manny Pacquiao, Vice Governor Jinkee Pacquiao, ug mga board members.(Kim Windell Tiblani/PROVINCIAL GOVERNOR’S OFFICE)
No comments:
Post a Comment